ސާރޖަންޓް އާދަމް ޙަލީމް މަރާލިކަން ސަމާޙްގެ މައްޗަށް އަނެއްކާވެސް ސާބިތުވެއްޖެ

ސާރޖަންޓް އާދަމް ޙަލީމް މަރާލިކަން ސަމާޙްގެ މައްޗަށް އަނެއްކާވެސް ސާބިތުވެއްޖެކަމަށް ހައިކޯޓުން އިއްޔެ ހުކުމްކޮށްފިއެވެ. މި މައްސަލާގައި ކްރިމިނަލް ކޯޓުން ކުރިންކުރި ހުކުމް ހައިކޯޓުން ދެމެހެއްޓީ ސަމާހްގެ މައްޗަށް ކުށް ސާބިތުވާ މިންވަރަށް ހެކި ހުރިކަމަށް ބުނެއެވެ.

ސަމާޙް މަރާލިކަމަށް ތުހުމަތުކުރެވޭ ސާރޖަންޓް އާދަމް ޙަލީމް މަރާލާފައިވަނީ 2012 ވަނަ އަހަރުގެ ތެރޭގައެވެ. މި މައްސަލާގައި ސަމާޙްގެ މައްޗަށް ކުރިންވެސް ކުށް ސާބިތުވެފައިވީނަމަވެސް، އެ ހުކުމް ސުޕްރީމް ކޯޓުން ބާތިލްކުރީ އިޖުރާއަތްތަކުގައި ހުރި މައްސަލަތަކެއްގެ ސަބަބުންނެވެ.

ހައިކޯޓުން އިއްޔެ ކުރި ހުކުމާއެކު، ސަމާޙް އަނެއްކާވެސް ޖަލަށް ލުމަށް އަމުރުކުރިއެވެ. އަދި މި މައްސަލަ އަލުން ތަހުގީގުކޮށް، ކުރިއަށް ގެންދިއުމަށްވެސް ވަނީ ނިންމާފައެވެ.

Source: Dhauru ↗